Your Daily News

Sipai Officer Bansana CDM Zawmtu Pa Pakhat Chuan Myanmar Military Thuruk Leh An Tenawmzia A Pholang Leh Ta!

0 3,832

Sipaiten Myanmar ramah thuneihna an pawng lak hnuah Sipai leh Police hna chelh lai mi engemaw zatin Min Aung Hlaing hnuaia awm duh loin an hna leh nihna an bansan tawh a, nimin piah mai khan sipai officer pakhat chuan a hna bansanin CDM lam a hawi ve leh a ni.

Myanmar Sipai Officer Hein Taw Oo tia koh hi Magway Region, Minhla khuaa piang niin, a hna thawhna hmun (a post) Shan State khawchhak lama a awm laiin Sipai sawrkar a bansana, March 24 khan Min Aung Hlaing hnialkalh zawngin a che zui tih an sawi.

Hein Taw Oo hi Sipai officer bang tate zingah a nihna a sang ber niin an sawi. Ama sawidanin sipaiten Myanmar ramah thuneihna an pawng lak avangin officer tam tak chu an lung a awi bik lo tih a sawi a ni.

A sawi zel danin Sipaite rawng taka an chet chhan chu Nyipydaw lam atanga sipai hotute chuan mipui kawngzawhte chu dim hauh lo turin thu an pe, an hnuai amiten huphurh tak leh hreawm ti tak chungin thupek an zawm a tul thin a ti bawk.

Officer tam zawk chuan an hna bansana CDM zawm an duha mahse, an nupui fanauten an tawrh hlauin Min Aung Hlaing nunrawnna chu an dawh hram hram thin a ni a ti bawk. Hei bakah hian sipaite chu rukruk an zirtira hotu lianten an hnuai a mite chu an khuahkhirh tlat thin avangin thupek chu an zawm lo ngam lo niin a sawi ani. A thih thlengin sipai sawrkar do a tum thu a sawilang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!