Your Daily News

Simon Adams: Myanmar Sipai Hotu Lu Min Aung Hlaing Chu An Ram A Chhuahsan Rualin Man Nghal Tur A Ni

0 2,623

Hun a kal zela General Min Aung Hlaing pawh buainain a um zui ve dawn niin a lang. April 24 lo thleng turah khian Indonesia khawpui Jakarta-ah Southeast Asian Nations chuan Myanmar ram buaina kaihhnawihah emergency meeting neih a ni dawna, he hunah hian Min Aung Hlaing pawh Myanmar ram aiawhin tel a tum niin an sawi.

Mahse, hetih lai hian atan hun khirh tak a thleng dawn niin a langa, Global Centre for Responsible to Protect director ni lai Simon Adams chuan International Judgement and Law hmangin man nghal tur ani tih a Twitter kaltlangin a tarlang tawp mai a ni.

Min Aung Hlaing hian Myanmar ramah thuneihna a lak atangin mi 720 chuang a that tawha, Myanmar ramah thuneitu berah insiamin ASEAN meeting pawh chhim a tum a ni.

He a nunrawnna leh pawisawilote nun a suat nasat avang hian Director Simon Adams chuan a twitter kaltlangin pawisawilote dikna rahbehsaktu leh mi nunna suattu a ni tiin misual case in universal jurisdiction hnuaiah man nghal tur a ni tia ziakin a tarlang a ni.

Hei bakah hian Min Aung Hlaing chu Myanmar ramah thuneitu dik tak a nilo tih sawiin, amah aiah National Unity Government aiawhin ASEAN Summit-ah an tel tur a ni a ti bawk.

Min Aung Hlaing chu ASEAN Summit ah tel a tum thu hi Thailand foreign ministry lam chuan an lo nemnghet tawh niin thuthang a awm meka, Burma a chhuahsan a nih chuan man theih a ni dawn tihna a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!