Your Daily News

‘Rust’ Movie An Chan Laiin Hollywood Actor Alec Baldwin-a’n A Lemchanna Silaiin Mi A Kaphlum!

0 611

Ningani liam ta khan New Mexico ah western Film hmuhnawm tak tur ‘Rust’ film an shoot laiin Actor Alec Baldwin chuan lemchanna atana silai an hman (Prop gun) an tih mai chu hmetpuakin hmeichhe pakhat kum 42 mi Cinematographer Halyna Hutchins chu a hmunah a thi nghal a, film director Joel Souza pawhin hliam na tak a tuar tih an sawi.

He silai inkahna thleng hi thil thleng palh liau liau niin an sawi a, lemchanna atana silai an hmante hi a mu awm lo niin an sawi. Tianga actor Alec Baldwin kum 62 a upa in mi a kahhlum tak ah chuan tualchhung Law Enforcement lam chuan an chhui zui mek a ni.

Vanduaina thlen hnu hian ‘Rust’ movie an chan mek pawh tihtawp kailawk a ni a, thilthlendan hi hriatthiam a har tak zet tih thuneitute pawhin an tarlang bawk. Engtin nge he prop gun hian mi a kahhlum theih tih leh he silai hman avanga vanduaina thleng palh ta chu sual a ni em tih chu inhnialna a tam em em mai a ni.

He inkah palhna thlen hnu hian Cinematographer kum 42 a upa chu Halyna Hutchins chu Helicopter in University of New Mexico Hospital pan pui a nia, a hmun an thlen chuan a boral zui ta a ni.

He vanduaina thleng kaihhnawihah hian actor Alec Baldwin chu demtu an tam hle a, vawiin lamah pawh man theihna tichhuak turin Internet lamah post a tam hle bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!