Your Daily News

Russian Sipaiten Ukraine Hmeichhia Kum 60 Chuang A Upate Chu Dimna Tel lova An Pawngsual Hnuah Rawng Takin An Khaihlum Zui!

0 978

Ukraine MP London a zin mek sawidanin, Ukraine rama hmeichhia kum 60 chin chunglam te chu Putin nunrawng Sipaiten rawng taka an pawngsual hnuah rawng takin an khaihlum zui tih a sawi.

He thu dengkhawng tak hi Ukraine opposition Holos Party MP ni lai Lesia Vasylenko chuan UK, House of Commons ah a sawichhuak a, hmeichhe kum upa tawhte leh naupangye chunga Putin sipaite chetdan rapthlak tak chu Chanchinbu mite hmaah a sawi ani.

A Sawi zawmnaah ni engemaw zat liam tawh hnuah pawh Russia chuan duh ang thal a Ukraine a sawp theih tak loh avangin a mi beih dan kalphung a thlak a, Ukraine rama hmeichhe kum upa tawh te leh naupangte chu bitumin rawng takin an che tih a sawilang bawk. MP Lesia in House Of Commons a tlawh lai hian a thawhpui MP Elena Khomenko, Maria Shevenstseva leh Alona Shkrum ten an tawiawm a ni.

Hmeichhe MP Lesia chuan The Mirror a hrilh danin, a hmeichhepui tam tak chu Russian sipaiten an pawngsual hnuah rawng takin an khaihlum tih a sawi lang bawk.

Ukraine MP tho Mezentseva pawhin hmeichhe kum upa tawhte chu Indona hmunah chaklo zawk chan an changa, an tan talchhuah a harsa tawh si a, Russian sipaite an chaklohna remchangah lain an pawngsual hnuah rawng takin an that zui thin niin a sawi ve bawk.

Ukraine ramah naupangten indona karah hun harsa an hmachhawn mek a, naupang kum 5 chin hnuai lam te chuan rilru lamah harsatna leh chungpikna namen lo an tawk mek a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!