Your Daily News

Russian Sikul Naupang 9 Bakah Zirtirtu 2 Kaphlumtu Chuan Police-te Hmaah Amah chu ‘Pathian dik tak ka ni’ A Ti

0 432

Russia, Kazan-ah pa pakhat kum 19 mi chuan Zirna sikul a pawngkah chiam maia, zirlai naupang 9 bakah zirtirtu 2 an thi tih hriat a ni.

Pawikhawihtua puh Ilnaz Galyaviev kum 19 mi chuan a lehkha zirna thin Kazan zirna hmun chu a bei chiam maia, silai vawi 17 lai hmetpuakin, puak thei thil a tipuak zui bawk tih an sawi.

He misual hi a hnuah Police-ten manin a chetdan zawng zawng chu an hmaah a sawi chhuak ta vek a ni. Ilnaz Galyaviev chuan investigators-te hnenah amah chu ‘Pathian’ dik tak a ni tih hrilhin, nungdama awm tur leh thi turte chu an chungchang a rel thei a ni a ti bawk.

He zirna sikul pawngkahna thleng ah hian zirtirtu tiamin mi 11 an thih bakah, hliam tuar mi 23 an awma, Nilaini liam ta khan hliam tuarte hi an vai hian damdawi lamah enkawlna dawng tura dahluh nghal an ni.

Tualthattu Ilnaz Galyaviev chuan Police-ten thu an zawhfiah laiin zirna sikulah mi 20 chuang kahhlum a tum tih sawiin, “Ka thil tihah hian inchhirna chhete pawh ka neilo a ni” tiin a sawi lang nghe nghe.

Russian dan hmaah chuan tan tlak pawh a ni lo tih Galyaviev chuan a sawia, a kawchhungah ram sakawlh a lut tih a sawia, mi tu pawh a ngei em em vek a ti a ni a ti. A chungchang ngaihtuah mek a nih thu Police-te chuan an sawi..

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!