Your Daily News

Ronaldo In Buaina Hmachhawn Dawn! Juventus Atanga Man United A Zawm Dan Prosecutors-ten Chhuichiang Turin Thupek An Chhuah!

0 944

Serie A club Juventus atanga Manchester United zawm ta milar Cristiano Ronaldo chuan buaina a hmachhawn dawn niin thuthang a awm leh ta!

Italian Prosecutors te chuan thupek chhuahin, Ronaldo hralhchhuah a nihdanah sum lamah thil felhlel a awm nia ngaiin, Serie A club Juventus Offices chu a tum hnih nan Police ten an endik leh tih report chuan a tarlang.

Kar liam ta a Turin Prosecutors te sawidanin, Juventus senior managers te chuan investors te hnenah thudik tawklo an hrilh nia tarlangin, indawrna telin invoices an siam tih an tarlang bawk.

Turin leh Milan a Juventus Offices chu Zirtawpni liam ta khan Police te chuan an thawng thut a, players te contract leh invoices bakah financial statements te an enfiah zui tih hriat a ni.

Thudawn danin, Juventus club chuan 2019 – 2021 transfer values chu Financial Fair Play Regulations dan an zawm theih nan dik lo takin ziakin an chhinchhiah niin an sawi a ni. Juventus officials 6 hnen atangin lehkha pawimawh transfer, invoices leh financial statements te chu finfiahna atan an la tawh nghe nghe a ni.

He thilah hian Cristiano Ronaldo chu Juventus officials te a ruka remna siampuiah puh a ni a, a chungchang hi an chhui zui mek tih hriat a ni. Superstar Cristiano Ronaldo chuan he thubuaiah hian Italian Prosecutor te a hmachhawn ngei a tul dawn a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!