Your Daily News

Osama bin Laden Kha a Chhungte Vang chauha A Bihrukna Hmun Hriatchhuah Leh Kahhlum A Ni

0 1,568

Osama bin Laden Kha a Chhungte Vang chauha A Bihrukna Hmun Hriatchhuah Leh Kahhlum Theih A Ni

Muslim sakhaw zuitu dik tak ni tur chuan Islam sakhaw phalloh nupui 4 neih a ngai tih Osama bin Laden chuan sawiin, a nupui 4 te chu intluk tlanga en leh kaihhruai an ngai tih national security analyst leh CNN producer Peter bergen chuan a lehkhabu “Rise and Fall of Osama bin Laden” lehkhabuah a ziak a ni.

September 11,2001 a US firfiakten an beihnaa a meizanghlaptu bera a tan tak hnu khan Osama bin Laden chu Afghan tlangpang-ah leh Northern Pakistan ahte a nupui 3 te nen a ruk thei ang berin an khawsa ho a, a nupui 2 upa lamte hi khariah Sabar kum 52 mi leh Siham al-Sharif kum 44 a upa te an ni. A nupui 3 na chu Yemen thingtlang khua a cheng hmeichhe mawlmang ve tak kum 17 a upa Amal el-Sadah a ni thung.

al Qaieda firfiak pawl dintu Osama bin Laden chuan hun rei tak a bodygaurd lo tang tawh Ibrahim Saeed Ahmed abd al-Hamid hnenah Pakistan, Abbottabad ah a hmingin ram a leitir a, a nupui leh fanaute nen an chenna tur kulh lian tawk tak chu architech ruaiin a saktir tih hriat a ni. He hmunah hian 2005 atang khan an chhungkuain an khawsa tan tih hriat a ni bawk. Ibrahim chuan a derin helai hmun hia unaupa nen Abrar nen an tlawh thin a, an kalbo leh thin tih an sawi. Mipui vantlang hmunah phone an hmanga, mi an biak zawh hnu hian an phone chu battery thlawnin an chetdan chu chhui mai theih a nilo a ni. He in chhungah hian internet a hman theih loh avangin bin Laden chuan DVD a playve thin tih hriat a ni.

CIA Director hmasa Panetta

Osama chuan helai hmun hi a chhuahsan khat hle a, tualchhung damdawi inah a nupui Amal fa hrin dawnin vawi 2 nihna lehkha lem hmangin a chhuak tih hriat a ni. Mahse, hetih lai hian 2010 a lo herchhuah meuh chuan CIA lam chuan thil hriatchhuah an nei ta tlat mai le! Ibrahim jeep rawngvar chuan Osama bin Laden leh a nupui 3 te bakah a fanaute chenna in lam chu CIA te mit latu ber lo ni ta. An chenna compound ah chuan mipa thawmhnaw salwar leh hmeichhe kawr bakah, Pakistan mipate hak thin kameez leh naupang diaper te chu nisa ah phochhuah a nia, hei hian Osama bin Laden sulhnu chu a rawn pholang chiang leh zual ta a ni.

Kum 9 chhung zet man hlaua a bihruk hnuah Osama chu a chhungte thawmhnaw suk an phoro ngei chuan tum loh lamin a bihrukna hmun ata CIA te hmaah a pholang ta a ni ber. CIA Director Panetta chuan Osama bihrukna hmun an finfiahna chu khatih laia US president Barack Obama hnenah a tarlang zui ta bawk. May 2, 2011 ah US Navy Seals-te chuan Islam pa rothap bin Laden chu Pakistan, Abhottabad-ah a chhungte thawmhnaw suk phoro avang liau liauin an kaphlum thei ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!