Your Daily News

Nupa Tuakte Chu Intihhlim Tuma An Kalchhuah Laiin Savawm Hlauin Beauty Spot Hmuna Thingkungah Ni 10 Zet An Inmut Chhawk

0 1,647

Eastern Russia a khawsa nupa tuak Anton leh Nina Bogdanov-te chu Banniye Springs Beauty spot-ah intihlim turin an kalchhuaka, hun hlimawm tak hman an inbeisei laiin an tan vanduaina a thleng ta tlat mai le!

Nupa tuakte hian Banniye Springs Beauty Spot-ah hian zankhat chauh hun hman an tuma mahse, an kalna lirthei Mitsubishi Pajero chu chirhdiak thuk takah a tang zui tih Nina chuan a sawi. Mobile phone hman theih lohna hmunah an awm avangin mangang takin motor chhungah chuan zan 1 an riak nghe nghe. A tukah Tourist ho awmna lamah tanpuina dil turin an chhuak leh ta a ni.

Tourist ho awmna lama an kal mek lai chuan an hnunglamah savawm lian zet in a um tih an hre nghal thuaia, Nina chuan an hnung lama savawm ngawi renga lo kal chu a hnai tial tial tih a sawi. Savawm chu Nina pasal Anton chuan a hmu hmasaa, an han tihthaiha hnungtawlh mai lo chuan a um zui ta maia an sahimna ngaituahin 200 yards zet hmunchheng chhe takah lui lam panin an tlanthla zui ta a ni.

Luikam an zuk thlenthlak chuan rang takin thingkungah an lawnchhova Nina pasal chu savawm hian a seh hman tep tih hriat a ni. Anton chu savawm chuan a bei titi ta maia Nina chuan tui um leh a bag in savawm chu theih tawp in a vawma Anton chu thingkungah a lawn chho hman tih an sawi. Nupa tuakte hi savawm in a bei chhunzawm zela, thingkung atang chuan theihtawp in an inveng ve a, ni 10 leh zan 2 ngawt mai savawm hian lei lamah a chang hlawm a ni. Zanah lamah pawh nupa tuakte chuan savawm seh hlauin an inmut chhawk ta ringawt mai ani. chaw leh tui tel hauh lovin tiang hian savawm hlauin thingkungah an awm ta reng mai ani.

A tawpah savawm chu beidawngin a kal hla ta a, hmanhmawh taka tlanin an mahni chhanchhuah tumtu pawlte nen an motor kalsanna hmunah chuan an intawng ta a ni. He lai Banniye Springs Beauty spot chhehvel ah hian ramsa hlauhawm savawm 23,000 zet an awm tih WildLife lama thuneitute chuan an sawi a ni. Russia rama sakawlh te zingah savawm an tam ber tih an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!