Your Daily News

Nikhatah A Zawna Cosmetic Surgery Vawi 3 A Paltlang Hnuah Influencer Chhelo Tak Chu Thisen Tlachham In A Thi

0 1,107

Nikhat chhungin a zawna cosmetic surgery vawi 3 ngawt mai a paltlang hnuah Chinese Influencer chhe lo tak chu thisen tlachhamin a thi tih hriat a ni.

China social media network Sina Weibo lama Followers 130,000 zet nei tling thei Xiaoran kum 33 a upa chu Ningani liam taa surgery a neih hnua vanduaina tawka a thih hnu ruang chu mi 600 million zetin an thlir tih hriat a ni.

China, Zhejiang province a beauty Clinic pakhat, Xiaoran taksa pianphung siamrem tuma surgery neihsaktute chuan influencer kum 33 mi thihnaah hian mawh an phur tih an puang zui tih an sawi. Tualchhung media lamin an tarlan danin, Xiaoran pian siamthat tuma surgery neih lai hian tihsual an neih thu an sawia, enkawlna pawh an pe khawtlai niin an sawi a ni. He Clinic hi thuneituten an khar zui nghal ani.

Hetih lai hian thihna tuartu chhungkaw lam chuan an fanu thihnaah zangnadawmna sum fai CNY 920,000 zet Clinic enkawltute hnen atangin an phut tih an sawilang bawk.

Influencer hmeichhe duhawm tak mai Xiaoran hi May thla liam ta khan surgery vawi 3 lai a neia, a ban, a kawng leh hnungzang thaute paihsak a nih bakah a hnute tihlen tumin surgery an neihsak a ni. Nikhat chhungin vawi 3 ngawt mai surgery a nei a, operation dawhkanah darkar 5 lai zalh a ni bawk.

Ni 2 a liam meuh chuan a taksa lamah harsatna a tawng chhova, a thawk lam a buai bakah thisen tlakchham avangin a taksa peng thenkhat chuan hna an thawk tha theilo tih hriat a ni. Damdawi in lamah admit a nih hnuah a boral zui ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!