Your Daily News

New York Kawtthlerah Brazil President Bolsonaro In Hripui Lakah Inven Nan virus hridanna A Lak Duh Loh Man A Tel

0 594

New York Kawtthlerah Brazil President Bolsonaro In Hripui Lakah Inven Nan virus hridanna A Lak Duh Loh Man A Tel

Vaccine ah rinna nghat duh lem lo leh hridanna la dawng lo Brazil President Jair Bolsorano chu New York khawpui restaurant-ah hridanna a lak loh avanga luh an phalsak lova, duhthlan tur dang a awm tak loh avangin New York khawpui chhung kawngsirah Pizza a ei tih hriat a ni!

President Jair Bolsorano hi United nations General Assembly chhim tumin New York ah hian a zin a, covid lakah kan himna atan hridanna an pek chhuah mek chu a lak duh tlat loh avangin restaurant chhungah an lo wel come thei ta lo a ni.

Bolsorano hian mak ang reng tak maiin ngaihdan mawlmang leh ngaihdan hote te a nei ve nual mai a, nikum lam khan a taksa ral do khawl chu a chak tawk a, covid lakah him theihna chance tha a nei a ni tiin virus hridanna chu a la duh lo tih hriat a ni.

Chawlhni zan liam ta khan a Cabinet minister 2 te chuan President Bolsonaro leh a thawhpui midangte chu restaurant pawn lam kawngpui sirah Pizza an ei pui lai thlalak chu social media lamah an tarlang a ni.

Thawhtan ni pawh khan UK Prime minister Boris Johnson chuan Bolsonaro hnenah virus hridanna a lak leh lak loh a zawt thut a, “Aih ka la rih lo” tiin a chhang a ni. UN General Assembly ah Bolsonaro hian thusawina hun a nei ve dawn a, hridanna la dawng lo a nih avangin New York City Mayor De Blasio chuan virus hridanna la lova UN General Assembly thusawi tum President Bolsonaro chu na takin a sawisel nghe nghe a ni.

De Blasio chuan khawvel hruaitu lawkte hmaah UN General Assembly chhim turte chu virus hridanna la hmasa zet turin a chah nawn leh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!