Your Daily News

Myanmar Special Court Chuan Aung San Suu Kyi Leh President U Win Myint-te Chu Kum 4 Tang Turin Thiamloh A Chantir!

0 494

Myanmar Special court chuan State councillor an paihthlak tak Aung San Suu Kyi leh President U Win Myint te chu an thubuai uluk taka a ngaihtuah hnuah kum 4 chhung tang turin hremna a pe tih legal officials te chuan an sawi.

Sipai hotupa Min Aung Hlaing-a’n Myanmar ramah thuneihna a lak hnuin, sawrkar a mi pawimawh tak Aung San Suu Kyi kum 76 a upa leh president U Win Myint te chu an zalenna rahbehsakin, a man zui ta a ni. Man an nih hnu hian thubuai siamsak an ni a, pawn chhuak theiloin an kut a phuar nghal bawk.

An thubuai chu thla 10 chhung zet ngaihtuah a nih hnuah, December 16 ah thutlukna puan a ni a, president leh Aung San Suu Kyi te chu Court chuan kum 4 chhung tang turin hremna a pe zui ta a ni. An thubuai an chhawpchhuah zingah hian mi fuihpawrhna leh Coronavirus hrileng avanga khapna thupek bawhchhiaa puh te a tel a ni.

Aung San Suu Kyi leh president U Win Miynt te rual hian, Dr. Myo Aung pawh kum 2 tang tura hremna pek a ni ve bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!