Your Daily News

Myanmar Sipaiten Mipui Kawngzawh Vauzam Nan Social Media App Tik Tok An Hmang Tangkai

0 2,826

Myanmar ramah sipaiten thuneihna an lak hnuin ramchhung hmun tam takah Sipai sawrkar duhlohna lantir a ni. Hetih lai hian mi thenkhatte chuan sipai kutntuarin an nunna hlu tak an chan tawh bawk.

World Street Journal in a tarlan danin kawngzawhtu mi 38 chuan an nunna an chan tawh thu tarlangin, mithi dik tak erawh hei ai hian an tam daih rin a ni.

Buaina hi chuti mai reh thei a nih loh hmel a, a chhan pawh khawvel ramdangte hnen atanga tharum thawhna titawp tura nawrna a nasa viau nain sipaite chuan an beng an chhi ngawng lui tlat thung si.

Reuters tarlan danin Myanmar sipai tam zawk chuan social media kaltlangin mipui kawng zawhte an vau bet a, heng zingah hian Tik Tok app an hman tangkai thu an sawi. Tualchhung digital Rights Group lam chu Myanmar ICT for Development (MIDO) hnenah zualkoin, Tik Tok platform ah sipai thlavang hauhna lam hawi leh mipui vauna video 800 chuang zet a awm thu an tarlang. Heng video te hi sipai sawrkar duhlotu mipuite vauna lam hlir a ni.

An tawngkam hmante hi a dengkhawng ang reng hle a, tualthahna lam hlir ani. Sipaiten mipui an vauna video-te hi a darh hnuah Tik Tok chuan pawikhawih duh lam hawi tawngkam chhuahtute chu an account paihsak an ni dawn tih a puang zui nghal bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!