Your Daily News

Myanmar Ram Hruaitu Paihthlak Tak Aung San Suu Kyi Chu Eiruk Thubuai Thar Dang Awrhtir Leh A Ni

0 203

Myanmar ram sawrkara nihna leh dinhmun pawimawh tak chelhtu, Sipai sawrkar in an paihthlak tak state councillor Aung San Suu Kyi chu eiruk thubuai thar awrhtir leh a nih thu State Media chuan Ningani khan a tarlang.

The Anti-Corruption Commission chuan Aung San Suu Kyi chu eirukna thilah a fihlim lohzia finfiahna an neih thu tarlangin, a nihna dinhmun sang tak chu hmang tangkaiin eiruknaah a inhnamhnawih tih Global New Light of Myanmar chuan a tarlang. Tichuan, Anti-Corruption Law Section 55 tlawhchhanin thubuai siamsak a ni zui ta a ni.

State newspaper in a tarlan danin State councillor Pi Aung San Suu Kyi chu Charitable Daw Khin Kyi Foundation tan diklo takin ram a hmang niin Anti-Corruption Commission chuan a puh a ni.

Eiruk an puhna dang leh pakhatah chuan a hmain rangkachak 11kg a rit chu dan lo angin $600,000 in Aung San chuan a lo dawnsak tih Yangon chief minister hmasa chuan a tarlang bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!