Your Daily News

Modelling Agent Anga Insawiin, Hmeichhia 36 A Pawngsual Hnuah Police-ten An Man

0 686

Bangkok khawpuiah pa pakhat chu modelling agent anga insawiin hmeichhia bumin a thlem kual thin a, amah hmu tura inremsiamna an neih hnuah a mimal taka amah hmuh tum hmeichhiate chu a lo pawngsual thin tih an sawi.

Misual kum 39 mi Denphum Wattanachotpinyo chu modela tang duh hmeichhia zawng thin angin a khawsa der a, a hmeichhe zawnte chu hotel leh party neihna hmuna thawk tur angin dawtin a bum kual thin a ni.

A chetdan hlauhawm tak mai chu a hmeichhe pawngsual mi pakhatin Police-te hnenah a sawichhuah hnuin thuneituten an veh nghala, an man zui ta a ni.

Denphum chuan a hmeichhe bumte chu damdawi ruihtheih ei luihtirin a vau zuia a hnuah a pawngsual zui thin tih an sawi. He sumdawnna kaihhnawihah hian model thenkhat chu an thih phah fo a, 2019 kumah pawh model 2 chu chin hriat lohin an bo tawh nghe nghe.

Pawi khawihtuah puh Denphum chuan an puhna chu thudik lo a ni tih a sawia, hmeichhiate remtihnain mipathmeichhiatna a hmanpui hlawm tih a sawi ve thung. Thil awmdan chhui zui mek a nih thu an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!