Your Daily News

Mipa Naupang Kum 3 Mi Chu Ramhnuai Pilrilah Ni 3 Chhung Boa A Vahvaih Laiin Nulathianghlim Mari In A Venghim!

0 1,853

Australia ram, Putty hmuna cheng naupang kum 3 mi chu vanduaithlak takin ramhnuai pilrilah a bo thut tih hriat a ni.

Mipa naupang AJ tia koh kum 3 mi lek hi ni 3 chhung zet an chenna in atanga a bo hnuah, vanneihthlak takin September 6 khan an chenna hmun atanga 150km a hla Sydney hmarthlang lam ngawpui chhungah an hmu ta a ni.

Tianga an fapa bo an hmuh leh theihna chhan chu a nu Kelly Alfalak chuan tawngtaina thil tihtheihna vang liau liau a ni tih sawilangin, a thinlungah an fapa bo khawngaihthlak tak chu van angel ten an awmpui a rintlat thu a tarlang bawk.

Ramhnuai pilrila bo mek mipa naupang kum 3 mi AJ chu NSW Police ten Helicopter hmangin vansang lam atangin a zawn hna an thawk nghal a, Police camera atanga chiang taka lang ta chu mipa naupang AJ chu hrilhhai leh thlaphang taka ramhnuaia a bo chhung hian a awmna bulhnai maiah amah venghimtu Nula Thianghlim Mari camera in a thlalak a lo la fuh hlauh mai a ni.

Coptic Orthodox Christian chhungkua nu ber Kelly Alfalak chuan an fapa bo kum 3 mi AJ chu vana angelten an venhim a ring tlat a, NSW Police camera a lan ang hian, amah venghimtu Nula Thianghlim Mari chu a veilam lungpui bulah a lo awm reng tih an hmuh thu a sawi a ni.

Nula Thianghlim Mari AJ a venhim lai thlalak hi social media lamah a darh chiam tih hriat niin, Kelly Alfalak leh a chhungte chuan an fapa chuan venghimtu Angel a nei ngei a ni tih khawvel mite hriatah an puang zui bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!