Your Daily News

Mindat Khawpuiah Pitar Mitdel Lainatawm Tak Chu A Faten An Tlanchhiatsan Avangin Amah Chauhin A Khawsa

0 777

Hriat tawh angin Mindat khawpui chu Myanmar sipaiten an thuhnuaiah an dah tawh avangin thalai tha chak deuh leh thothang tha deuhte chuan khawpui chhuahsanin hmun him lamah an tlandarh tih hriat a ni.

Mi thenkhatte chu ramhnuaiah an tawmrua, a thente chu phungki ho awmna hmunahte an tlanlut bawk ani. Hetih lai hian pitar pakhat chu an ranvulh laite nen amah chauhin inah an hnutchhiah tih an sawi.

He pitar lainatawm tak hi a mit delin khua hmu lo mahsela amahin chaw leh eitur dang a chhum theia, silai puakri a hriat fo avangin zan lamah khumah pawh a mu ngam lova, khum hnuaiah a mu mai thin tih a sawi a ni. He pitar mitdel hian a faten sipai kut an tuar ang tih chu hlauhpuiin an dinhmun tur chu a ngaihtuah em em a ni. A fate hnenah pawh an hnenah hruai rih lo mai turin a hrilh thu a sawi.

Pitar chuan an ran vulh lai ui leh ar bakah an vawk vulh laite chu tlansan har a tih thu sawiin, an thenawmte pawh an tlanchhe vek sia tumah han rin mai tur an awm loh avangin phungki awmna inah pawh kal loin amahin a awm tawp tih a sawi a ni. Ama sawi danin mi pahnihten ei tur pein an kan tih a sawilang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!