Your Daily News

Midum George Floyd Thattua Puh Minneapolis Ex-Police Officer Chu A Thubuai 3-ah Thiamloh Chantir A Ni

0 418

Minneapolis Police Officer atanga an ban tak Derek Chauvin kum 45 a upa chu George Floyd thihna thubuai kal zelah nimin khan a thubuai kil 3 atangin thiamloh a chang vek a, second leh third degree tualthah thubuaiah thiam loh chantir a ni.

Second degree tualthah thubuaia thiamloh a chan avang hian a tlem ber ah kum 40 tang tura hremna pek a nia, Officer hlui Derek Chauvin chauh hi hun kal tawhah mingo zinga midum tualthah thubuaia thiam loh chantir awmchhun a la ni rih a ni.

Minnesoto attorney-general Keith Ellison chuan Chauvin thubuai ngaihtuah lai hian a kaihruai a, an thutlukna chu dikna mai niloin Floyd thihnaa mawhphurtu zawnna a ni a ti bawk.

George Floyd-a’n pawisa lem $20 a hman avang leh a thihna chuan US mai nilo khawvel ram pumah vun rawng avanga inthliarna a hring chhuak ani tiin, Black Lives Matters chu nasa takin kalpui a ni. Chauvin chu Floyd hrawkah minute 9 aia rei a khup nghatin a thingthi a, rei vaklo hnuah Floyd chu a boral zui ta a ni.

Thutlukna an puan hnuah George Floyd unaupa Philonise Floyd chuan rorelna dik an hmuh tak avangin hahdamin a muhil thei tawh dawn ani tih sawilangin, a unaupa tana rorelna dik an hmuh ngei theih nan a tawngtaina chu chhan in a awm tawh ani a ti bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!