Your Daily News

Mandalay Khawpui Kawngpui Sir Bawlhhlawh Paihna Hmunah Sipaiten Mithi Ruang An Paih

0 394

Myanmar sipai nunrawngte chuan mipui pawisawilote chu khawngaihna tel hauh loin silaiin a kaphlum a, an mi kahhlumte hian chhung leh khat laina leh fanaute pawh an nei ve tih hrechang loin an lainatawm tak zet zet a ni. Mithi ruangte chu ran thi tawih ruang ang maiin an duhna hmunah an paih zui mai thin a ni.

Mandalay, Chan Mya Thar Si Township, Mya Yi Nanda vengah April 19 khan kawngpui sir bawlhhlawh paihna hmunah sipai lirthei lo tlanin a chhunga chuang sipaite chuan mithi ruang an paih tih mita hmutu tualchhung mite chuan an sawi.

Motor chhungah chuan sipai thenkhat an thu a, mithi ruang chu phawrhin bawlhhlawh paihna hmunah chuan an paih zui ta a ni.

An mithi ruang paih chu kum 30 bawr vel a upa a nih an ringa, a hmaite chu sawisakna hliam in a khat tih an sawi.

Ruang hmutute sawidanin he mithi ruang sipaiten an paih tak hi a hliam enin silaia kahhlum ngei a nih an ringa, ruang ngaihventu an awm lo a nih chuan tualchhung miten pangai taka vuiliam an tum a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!