Your Daily News

Kum Tam Tak Chhung Mipathmeichhiatna Lam Hawia Amah Khawih Buaitu A Pa Chu A Nungchunga A Halhlum Avangin Police-ten An Man!

0 791

Kum Tam Tak Chhung Mipathmeichhiatna Lam Hawia Amah Khawih Buaitu A Pa Chu A Nungchunga A Halhlum Avangin Police-ten An Man!

Nu pakhat chuan mipathmeichhiatna lam hawia amah lo zarbuai thintu a pa chu phuba lak let nana a nungchungin a halhlum tih hriat a ni.

Brazilian nu pakhat Claudia Campos Veiga kum 41 a upa chu kar liam ta khan police ten an man tih hriat niin, a tualthatna chhan ber pawh a film en thin chuan phuba lak duhna thinlung a neihtir niin an sawi a, pawngsual tawktu hian phuba lakna lam hawi ‘Spit On Your Grave’ tih film a en hnuah a pa chu a that ta mai niin an sawi.

Heng tualthahna rapthlak tak hi Brazil khawpui, Sao Paulo,Embu-Guacu a thleng niin, tualthattu chu Police ten man tumin theih tawp chhuaha thla 2 chhung an veh hnuah September 4 khan an man thei ta tih R7 news site chuan a tarlang a ni.

Ms Veiga in Police te hnena a sawi danin, a pa Omar chuan kum tam tak chhung hreawm takin mipathmeichhiatna lam hawiin a lo chhaihbuai thin tih a sawi a, tualthahna hmanga phuba lakna film a en hnuah tiang hian a pa misual chu a that ta mai niin a sawi a ni. He a tualthah tumdan hi he thil thlen hma zan ah a unaupa a hrilh nghe nghe a ti bawk.

Ms Veiga bialpa hlui in Police te a hrilh danin, Veiga chuan kum 30 dawn hreawm taka a pain a lo khawihbuai tawhna ata chu zalen tumin tiang hian ruahmanna a siam zui ta a ni tih a sawilang ve bawk.

Pawngsualtu Omar Veiga kum 65 a upa hi rehab centre ah kum 5 dawn a lo lut tawha, rehab centre ah enkawl a nih chhung hian a fate chuan an tlawh ve zeuh zeuh thin tih an sawi. A fanu Ms Veiga pawhin a pa chu thah tuma ruahmanna a siam hnu chuan, a pa chu rehab centre ah a chang changin a va kan ve thin a ni.

July 9 khan Ms Veiga chuan a pa chu tlanglawnpuiah a sawm a, he hun hi remchangah lain a pa chu a inrinloh laiin a kut leh ke a phuarbeta, zahngaihna nei hauh loin meiin a halhlum ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!