Your Daily News

Kim-a’n North Korea Thalaite Hnenah Inralrinna Thu A Pe! South Korea Tawng Lepchiah Hmangte Chu Tihhlum An Ni Dawn A Ti

0 857

Khawvel roreltu maksak leh mi nunrawng tak Kim Jong-Un chuan a ram North Korea thalairualte hnenah inralrinna thu khauh tak chhuahin, an thawhpui South Korea tawng lepchiah hmangtute chu tihhlum an nih loh vek pawhin, jail tan emaw a nih loh leh hremna na tak pek an ni dawn a ti.

State media chuan thuchhuah siamin North Korea thalai rualte chu an ram North Korea tawng ngei hmang tur leh South Korea tawng lepchiahte chu hawisan turin a ngen a, he thupek ngaihthaha zawm duhlote chu hremna a nep hauh lovang tih an tarlang a ni.

North Korea dan leh dun tam tak chu belhchhah niin, rampawn incheina thuamhnaw leh sam mehdan hair style copy te chu phalloh a ni tawh a ni. Tunah tawng lepchiah hman chu thalaite zingah khap tlat a nia, tilui an awm a nih chuan intihhlum thlenga hremna chelek theih a ni tih thuneitute chuan an sawi.

Kar hmasa mai khan, Kim chuan zaithiam intelkhawm K-Pop band chu “Cancer natna anga hlauhawm” tiin a lo tawngchhuak tawha, mitinte chu an tawng chhuah hmain tawngler an hmang em tih ngaihtuahna seng nawn fo turin a chah mawlh mawlh a ni.

BBC in a tarlandanin, North Korea ram danpui ennawn a nihna chhan pawh an thenawm ram South Korea thalai zaithiam lerkawhho vang niin a sawia, an mahnia inhung hran chu Kim duhdan a ni a ti bawk.

University of North Korean Studies a thawk Professor Yang Moo Jin-a’n Korean Herald a hrilhdanin, Kim chuan North Korea thalaite nunphung chu K-pop leh khawthlang lam nunphung chuan awlsam takin a chiahpiah thei tih a hrechiang hle a, hei vang hian hmalam hunah buaina nasa zawk a thlen loh nan Kim chuan tun atang hian tan a la nasa hle a ti bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!