Your Daily News

Khawvel Huapa Venhimna An Ulukna Ber Hmun Pakhat Israel Tan In Atangin Palestinian Jail Tang Mi 6 An Tlanchhuak!

0 1,049

Khawvel Huapa Venhimna An Ulukna Ber Hmun Pakhat Israel Tan In Atangin Palestinian Jail Tang Mi 6 An Tlanchhuak!

Israel rama venhimna uluk berna hmun pakhat Gilboa prison atangin jail tang mi 6 an tlanchhuak tih hriat niin, an tlanchhuahdan leh an chanchin hian khawvel mite hrilh an tihai hle! Gilboa tan in hi West Bank atanga 4km vela hla a awm niin, he tan in hi uluk taka venhimna kalpuina hmun a ni.

Israel Prisons Service lam in an tarlandanin, tang tlanchhuak zinga pakhat chu Fatah’s Al Agsa Martyrs Brigades commander a lo tang tawh Zakaria Zubeidi a nih thu an sawi. Zubeida chu Israel mite beihnaah a inhnamhnawih tih hriat a nih hnuin 2019 kumah Israel sipaiten an man nawn leh ta ani.

Tang tlanchhuak zinga mi 5 te hi Islamic Jihad Movement a telte an nia, an zinga mi 4 te hi firfiaka chetnaa inhnamhnawiha puh an nih hnuah damchhung tang tura thiamloh chantir an ni. Mi pakhat erawh a chungchang ngaihtuah lai mek anih thu prisons sevices lam chuan an sawi.

Prime minister Naftali Bennet Office chuan thuchhuah siam nghalin, he thil thleng hi pawi an tih thu leh tang tlanchhuakte hi a bo a bang awm lova, a zawn hna beihpui thlak nghal turin Security Forces te chu hriattir an ni tawh nghe nghe a ni.

Palestine jail tang tlanchhuak te hian a rukin hun rei tak chhung inbualna room hnuaiah lei an lo verh a, theih tawpa an beih hnuah September 6 khan an tlanchhuak thei ta ani. An chanchin lo hriaa an hmel hmusatute chu loneitute an nih thu an sawia, leilet zawlah hmel danglam tak an hmuh thu chu thuneitute hriattirin jail tang tlanchhuak an ni tih an hre chhuak ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!