Your Daily News

Karen Nula Chhuanawm One Championshi Fihgter Chuan Myanmar Sipai Tenawmho Do Let Turin Silai A Chuh Ta!

0 1,122

One Championship fighter Karen nula chhuanawm Bozhena Antoniyar chu Myanmar sipai sualho nunnrawnna chhang let turin ramhnuaiah helhote puihnain silai kah leh training a nei mek tih hriat a ni.

MMA fighter Bozhena Antoniyar kum 25 a upa hi Kayah state a piang leh seilian a nia, kum 16 mi a nihin boxing lam a luhchilh a, Myanmar ramchhung boxing inelnaah pawh vawi engemaw zat a tel tawh bawk a ni. Boxing khawvela a cham chhung hian champion belt pawh a lo la tawh nghe nghe.

Myanmar sipaite chuan hriat angin mipui pawisawilote an kahhlum bakah mi in leh lo an suasama, an sum leh an thil neihte pawh laksakin rukruk in khua an fang a ni ber. Myanmar sipaite chetdan chuan Karen nula Antoniyar ngeng a chhun nghal pang maia a thinlung siamfel nghalin sipaiho do let turin a inpe ta a ni.

Sipaite chetdan rapthlak tak chu enliam mai loin do let a tul a ni tiin Antoniyar chuan a sawi a ni. Myanmar ram mi infiamna lama mi challang leh amah anga MMA luhchilhtute pawh an ram tan leh mipui dinhmun khirh taka awmte tan penchhuak turin a sawm mek a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!