Your Daily News

Kangmei Nasa Tak Chhuak Chuan Tan In Tuamin Mi Tang 41 An Thih Bakah Mi Thahnem Takin Hliam Na Tak An Tuar!

0 350

Indonesia rama tan in lar tak mai correctional facility pakhat chu kangmei nasa takin a tuam avangin mi 41 an thih bakah mi engemaw zatin hliam na tak an tuar tih thuneitute chuan an sawi.

Indonesia khawpui Jakarta hmuna correctional facility pakhat Tangerang Prison ah Nilaini tuk khan kangmei namenlo tak a chhuak a, he kangmei hi Tangerang Prison Block C atangin zinglam dar 1 am leh 2 am khan a intan tih hriat a ni.

Meialh namem lo chuan darkar 2 ngawt mai tan in hi a nuaia, darkar 2 hnuah thelhmih niin a chhunga mi tang mi 41 lai mai chu an kanghlum tih Department of Law and Human Rights Ministry thupuangtu Rika Appriantia chuan a sawi. Kangmei chhuah chhan hi chhui mek a nih thu a tarlang bawk.

Kangmei lo chhuah tanna Block C a mi tang awm te hi damdawi lam kaihhnawihah man an nia, he Block C ah hian mi 122 an leng tih a tarlang bawk. Kangmei a chhuah lai hian mi tu tute nge awm tih chu chiang taka hriat a nilova, jail erawh an khat tha viau thung a ni.

Indonesia ram sumdawnna khawpui Jakarta a awm Tangerang Prison hi a lian fu maia, mi 2000 leng thei tura duan a ni. Kompas TV in he tan in kan lai hi a pe chhuak nghe nghe. Mi 41 lai mai chu tlanchhe thei loin mei hian a tihlum ta ani. An ni bakah hian mi thahnem takin an nunna an chan phah bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!