Your Daily News

Israel Sipaiten Hamas Leiverh (Tunnel) An Bei; Mi 155 An Thi Tawh. Mithi Zingah Naupang An Tam

0 402

Israel Sipaite chuan Gaza atanga Israel kal pawhna tur Hamas ho leiverh (tunnel) chu tukin May 14 chawhma lam khan bomb chak tak nen an bei chhunzawm leh tih hriat a ni.

Israel Defence Forces tarlan danin indo thlawhtheihna 140 hmangin minute 40 chhung he Hamas leiverh hi tichhiat tumin an thawk chhuaka, northern Gaza a an target 150 ah missiles 450 zet an thlak zui bawk.

Palestinian health authority sawidanin Gaza strip Israel in a beihnaah hian mi 155 an thi tawh tih tarlangin, naupang thi an awm nual bawk a ni. Tunnel beihna ah erawh casualty an awm leh awm loh an tarlang lo thung a ni. Thawhtanni thleng khan Israel ah mi 7 in nunna an chan tawha an zingah hian mipa naupang 1 a tel a ni.

Israel khawpui pakhat Ashkelon ah hian Gaza tanga rocket 5 lo lut zinga pakhat chuan chenna in pakhat a fuh hlauh maia, kum upa tawh lam mi 2 kum 60 mi leh kum 90 mite chu na takin an hliam tih hriat a ni.

Israel leh Palestine buaina hian zual lam a pan zela, UN Security Council in Friday a thutkhawm hmanhmawh a kohna chu US in a tihkhawtlai avangin meeting an kalpui thei ta lo a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!