Your Daily News

Hmeichhe Boxer Tawnhriat La Ngah Lo Kum 18 Mi chu Ring chhungah A Tumpuiin A Knock Out Hnuin A Thi!

0 1,184

Hmeichhe Boxer Tawnhriat La Ngah Lo Kum 18 Mi chu Ring chhungah A Tumpuiin A Knock Out Hnuin A Thi!

Mexican Boxer kum 18 a upa Jeanette Zacarias Zapata chu ring chhungah a inhnek laiin a khingpuiin a knock out hlauh mai a, vanduaithlak takin a taksa a zeng nghala boxing ring canvas ah chuan nikhawhreloin a awm zui tih hriat a ni.

Inrinni liam ta khan Canada, Montreal ah Zapata leh Marie Pier Houle te chu Boxing ring chhungah an inhneka, Round 4 na an khelh mek laiin Zapata chu a tumpui hmeichhe boxer tha tak chuan a hnek thal zui ta a ni. Vanduaithlak takin boxer Zapata chu nikhawhreloin a awm zuia, a trainer leh partner Jovanni Martinez leh medical team te chuan damdawi in lamah hmanhmawh takin an hruai nghala, damdawiin a luh atanga ni 5 liam hnuah a boral zui tih a promoter chuan thuchhuah siamin a tarlang ani.

Boxer la naupang tak Zapata thih thu hian boing khawvelah nghawng a nei lian hle a, amah tawrhpuina leh an ui zia mi tam takin an tarlang ani. Boxing council pawhin Zapata an uizia leh mithi chhungte an tawrhpui thu an tarlang ve bawk.

Zapata hian boxing khawvel chu a la hmelhriat tan dawn chauha, tawnhriat a ngah loh bakah a la naupan avangin zir tur leh harsatna hmachhawn tur a nei lian ve hle tura ngaih a ni. Mahse, vanduaithlak takin Boxing khawvel infiamna chu thui a zawh hmain a vanduai ta a ni. A thih chhan dik tak leh thil thlen dan chu chhuichian a ni dawn niin thuneitute chuan an sawi.

Boxing ring chhungah ngei Mexican boxer Zapata in a nunna a chan tak hnu hian UK-based brain injury association Headway chuan thuchhuah siam ve nghalin, boxing chu nunna atan hlauhawm a nih avangin tihtawp a tul thu an tarlan g ve bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!