Your Daily News

European Union (EU) Chuan Firms 2 Telin Myanmar Junta Official Mi 10 Hnenah Hremna A Pe

0 736

European Union (EU) chuan Myanmar sipai hotulute hremna a pek hnuah, Sawrkara mi pawimawh tak tak mi 10 hnenah hremna (sanctions) a pe leh ta! Heng hremna an pek zingah hian Chin mi leh sa pakhat a tel tih hriat a ni.

European Union thuneihnain hremna a pekte chu hengte hi an ni. U Thein Nyunt, U Khin Maung Shwe, Man Nyein Maung, Jeng Phang Naw Htong, Daw Aye Nu Sein, U Maung Ha, Saw Daneil, U Sai Lone Sai, U Chit Naing, Banya Aung Moe te an ni. Heng mi 10 zingah hian U Maung Ha chu Chin thisen kai a ni tih an sawi.

Official 10 te bakah sumdawnna firms 2 Myanmar Economic Cooperation (MEC) leh Myanmar Economic Holdings Ltd. (MEHL) te chu an bungrua (assets) leh Visa che thei lova tihtawpsak an ni bawk.

Heng Myanmar Official hremna tuartute hian European Union ramahte an zin phalsak an ni dawn lova, sumdawnna leh sum leh pai pawh an chelek thei dawn lo bawk a ni. Officialte hremna hian an fate pawh a nghawng tel nghal a, an khawsak a zim sawt viau dawn tihna a ni ber. European Union member ramah reng reng engmah an ti thei dawn lo a ni.

Myanmar ramah sipaiten thuneihna an lak hnu February 1 atang khan sipaiten mi 737 chuang an kaphlum tawh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!