Your Daily News

Bus Lian Chi Chhawng 2 Nei, 12,000 Kg A Rit A Sam A Hnuktu India Hmeichhia Chuan World Record A Siam

0 2,873

Khawvelah hian mi maksak leh mi chungchuang bik chu an lo awm ngei tih he India hmeichhia hian a rawn pholang leh ta! A sam ringawt in Bus chhawng 2 (double decker) chu hnukin world record a siam ta der mai!

India rama hmeichhe chungchuang Asha Rani chuan a sam in Bus lian chi chhawng 2 nei a hnuk a, a hming chu Guinness World Record bu ah ziah luh a ni ve ta a ni. Asha chu ‘Iron Queen’ nihna title pek a ni ta a ni.

Asha Rani Bus hnuh hi Bus lian tak niin, 12,000kg a rit a ni a, hmeichhe sam ringawt hmanga han hnuh atan chuan thil tih chi ziazang a nilo tih kan hrethiam maiin a rinawm.

Asha Rani in a sam a Bus a hnuk kal lai video hi social media lamah a darh chiam mai a, likes 41,000 a hmuh bakah sang tam takin comment an pe nghe nghe.

Tunah hian Asha hian rit chawi lama a theihna chungchuang tak a neihna avangin Guinness World Record 7 zet a hauh mek bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!