Your Daily News

Buaina Inmungchho Mek Karah Taliban Firfiakten Afghanistan Ram Chu Hming Thar An Pe Ta!

0 675

Afghanistan ram chuan firfiakte rahbehna karah buaina a tawng chho meka, Taliban fitlrfiakte zinga hruaitu sawihlawh tak pakhatin thuneihna sang a chelek dawn tih thawm a rik hnuah, Afghanistan ram chuan hming thar a nei ve leh dawn ta a ni.

Taliban ho chuan Afghan ah thuneihna chelektu tur leh mawhphurhna sang tak la turin hruaitu thar an ruat fel ta a, ram hruaitu tur an ruat thar te zingah hian FBI lamin mi firfiak Wanted a an puan takte leh United Nations in Wanted a a puan takte pawh an awm tih hriat a ni.

Taliban firfiak pawlte hian Afghanistan ah sawrkarna kalpuitu tur chu a hmain tum 2 ngawt ruat an han tuat dawn chhin a, an mahni chhungkaw lamah harsat neuh neuh a awm tak avangin an thulh leh tih an sawi. Taliban firfiak pawl chuan Afghan ram hruaitu lu atan Mullah Mohammed Hasan Akhund chu a ruat fel ta a ni.

Hetih rual hian Taliban thuneituten BBC an hrilh danin, Afghanistan ram chu hming thar pek a nih thu an hrilh nghal a, tuna chinah Afghanistan ram chu ‘Islamic Emirates of Afghanistan’ tia koh a ni tawh dawn a ni.

He thutlukna hi Taliban fighters ten silai hmetpuaka an mahni duhlohna lantira mipui pungkhawm an hnawhdarh hnu leh hmeichhiate an vaubeh hnuah puanzar a nih thu an tarlang bawk.

Aghanistan rama thuneihna kalpuitu turte hi kum 20 zet Khawthlang ho awpbehna atanga an zalen theih nana sulsutute leh a meizanghlaptute an ni dawn niin thuneitute chuan an tarlang bawk. Tuna an thuneihna hi sawrkar ngialnghet tak erawh a la ni rih lova, thuneihna chelh lailawktu turte an ni dawn a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!