Your Daily News

Ashraf Ghani-a’n An Ram A Tlansan Hnuah Taliban-ten Thuneihna Changin Presidential Palace An Luah Fel Ta!

0 703

Afganistan rama Taliban te chetdan chuan sawi a hlawhin, tunlai ti ti tam ber a tling awm e! Taliban fighter te chuan ni sawmkua chhungin Aghanistan ram chu lak fel an inbeisei thu an lo sawi tawh a, an beisei aia hmaah Aghanistan chu an thuhnuaiah an dah fel thei ta a ni.

Hmanni lawk khan US sawrkar, Taliban leh Afghanistan thuneitute inbiaknaah NATO leh US sipaite chuan Afghanistan chhuahsan tawh turin inremna an lo nei tawh a ni. US president Joe Biden chuan US sipaite chu an ramah a ko haw ve nghal bawk.

Western diplomats te leh an sipaite awm loh hlanin Taliban te chuan Afghanistan sawrkar an do chiam maia, reivaklo an inkah hnuah August 15 a lo herchhuah meuh chuan Afghanistan khawpui tam zawk chu an thuhnuaiah an dah hman der a ni.

Taliban hlauhna avangin mipui sang tam tak chuan an ram Afghanistan chhuahsan an tum mekah, thuneitute pawhin Afghanistan chhuahsan turin hun an la pe rih tih an sawi ani. Hetih lai hian Aghan president Ashraf Ghani chuan an khawpui Kabul a chhiah vek loh nan leh thisen a luan loh nan a ram leh a chenna presidential palace chu a tlansan tih a tarlang ve bawk.

Taliban ten Afghanistan ramah thuneihna an chan tak avang hian Muslim sakhaw serh leh sang chu an chhawm nung dawn tih an puang nghal a, an dan khirh leh maksak tak tak hman tur a tam avangin mipui sang tam takin Afghanistan chhuahsan an tum mek tih hriat a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!