Your Daily News

ASEAN Summit-ah Tel Turin Sipai Hotu Min Aung Hlaing In Indonesia A Thleng Ta!

0 405

Southeast Asian ramte intawhkhawmna neihna hmun tura an lo ruahman tawh Indonesia khawpui Jakarta-ah Myanmar Sipai hotu lu Min Aung Hlaing chu a lut ve ta! Sipaiten Myanmar ramah thuneihna an pawng lak hnuah Min Aung Hlaing chu an ram chhuahsana ram pawn a zin vawikhatna a ni nghe nghe.

General Min Aung Hlaing chu vawiin dar 11 bawr vel khan Indonesia khawpui Jakarta Airport ah a tum a, a cham chhung hian khawvel ram dang hruaitu engemaw zat a kawm dawn niin BBC chuan a tarlang.

He ASEAN Summit hi vawiin tlai lamah tan tur a nia, meeting ah hian Phillipines President Rodrigo Duterte leh Thailand ram PM tih loh ramdang aiawha palaite chu an tel kim dawn ani. Tun tum summita an thu chai tur lar berte zingah Myanmar ram buaina chuan sawi a hlawh dawn niin a lang. Meetingah hian Min Aung Hlaing pawhin minute 5 chhung thusawina a nei ve dawn bawk a ni.

ASEAN Summit ah hian Myanmar sawrkar kaihruaitu thar invuah NUG chuan Min Aung Hlaing aiah an mahni tel turin an lo ngen tawha, an beisei ang erawh a thleng ta lo a ni ber.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!