Your Daily News

An Ram Inthlanpui Election-ah Philippine President Rodrigo Duterte Leh A Fanu Sara Rodrigo-te Inkhing Dawn!

0 747

An Ram Inthlanpui Election-ah Philippine President Rodrigo Duterte Leh A Fanu Sara Rodrigo-te Inkhing Dawn!

Khawvel ram hruaitute zinga chanchin ngah leh che pa tak mai Philippine president Rodrigo Duterte chuan kum lo her chhuak tur 2022 ah a fanu nen Vice president dinhmun chuh tumin thutlukna a siam fel tih communication secretary chuan tualchhung press mite a hrilh.

Duterte fanu Sara Duterte-Carpio chuan Inrinni liam ta khan kum thar an ram thlanpui (election) lo awm turah vice presidencial post chuh tumin a hming a thehlut tawh tih hriat a ni a, dictator boral ta Ferdinand Marcos Jr. chuan president dinhmun luah tumin hming a pe lut bawk ani.

Philippine ramah hian thuneihna duh ang tawka chelektu lal chhungkaw 2 The Dutertes dynasty leh The Marcoses dynasty te an awm a, he chhungkaw 2 te hian policy reforms lam aiin thuneihna (power) chu an inchan chhawk a tih theih a ni. Dynasty 2 te rorelna hnuaiah hian chungnun zawk duhna leh eirukna a nasa em em mai a ni. An khawsak dan leh thuneihna an chelek dan hian human rights activists te pawh a awm hle hle tir theilo a ni.

Hun rei tak Duterte thachhangdaltu a lo tang tawh Senator Christopher chuan a vice presidential candidate a nihna ata chu presidential candidate ah a inhlang chhova, he thuneihna inchuhna avanga lal chhungkaw 2 te chetdan hian sawi a hlawh hle bawk.

Duterte communication secretary chuan an ram hruaitu president Duterte kum 76 a upa chu politics a chawlhsan tur thu tualchhung chanchinbumite hnenah a lo puang tawh a, a thupuan atanga reivak loah Thawhtanni liam ta khan Duterte chuan a fanu nen inkhing turin Vice president dinhmun a chuh tur thu chu official in a puang zui leh a ni.

Duterte hi kum 6 chhung bak an ram danpuiin president chelh a phalsak lova, ram rortelnaah post hniam lam erawh a la chuh thei a ni. President Duterte-a’n 2016 kuma President post a luah hnu hian damdawi ruihtheih thubuaia inhnamhnawih mi 6,000 chuang a that tawh a, mi 289,000 zet a man tir tawh bawk a ni.

International Criminal Court chuan heng mite thah an nihdan leh thil awmdan dik tak chu chhui zui a tum a mahse, President Duterte chuan heng mite hi lo tawiawma thawhpui a tum loh thu a sawi phawng mai a ni. ICC hruaitu lute chu an ramah luh a phalsak thu erawh a sawilang thung a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!