Your Daily News

An Chhungkua Riltama An Thih Loh Nana Afghan Pain A Fanu A Hmatheh!

0 1,142

An Chhungkua Riltama An Thih Loh Nana Afghan Pain A Fanu A Hmatheh!

Afghanistan ramah chhungkawpa beidawng chuan an chhungkua riltama an thih mai loh nan leh an fanu naupangte kum 4 mi lek chuan hma hun duhawm zawk a neih theih nan $580 in hralh a tum tih hriat a ni.

Sipai hna chawlhsantu Mir Nazir-a’n Times of London a hrilh danin, Afghanistan ramah Taliban firfiakte rorelna kal chho mekah nasa takin ram chhung sum leh pai dinhmun a tla chhe mek a, hetih lai karah hian an chhungkua chu riltama an thih mai loh nan a fanu kum 4 mi chu hralh mai turin midang nen an inbiakna an lo neih tawh thu a sawi a ni.

“Riltama ka thih ai chuan ka fanu hralh mai chu ka duh zawk a ni’ tiin Nazir kum 38 a upa chuan UK paper a hrilh a ni. “Keimah ka thihna chuan ka chhungkua ah tu nunna mah a chhanhim dawn lova, tun ang hun hi duhthlan theihna hun niloin, beidawn thil tih a ni zawk mah a ni” tiin a sawi a ni.

A sawi zel danin, Afghanistan ramah Taliban firfiakten thuneihna an lak hma ni chiah khan Nazir chuan sipai hna a chan tih a sawia, Afghanistan ram chhung sum leh pai dinhmun nasa taka tla chhe mek karah ei leh in tur neiloin an thih mai a hlauhthawnawm tak zet tih a sawilang bawk.

Dinhmun khirh taka an khawsak tak avang hian Nazir chuan Afghan khawpui kabul-a dawr neitu pakhat hnenah a fanu chu hralh a tuma, dawr neitupa hian fanu a neih loh avangin fanu a it ve hle a, a fanu chu a hnenah $580 lekin hralh a tum tih a sawi a ni. Nazir chuan a fanu chu man tlawm tak chuan a hralh phal bik lova, $580 tal lo chuan a hralh phal lo a ti ani.

Dawr neitu hnenah a fanu a hralh a nih chuan dawr nghak talin hringnun a chhiar ve anga, hmalam hun nuam zawk a hmachhawn theih a beisei tih a sawia, a fanu hralhna sum chuan a chhungkaw member dang nunna a chhanhim theih a inbeisei bawk tih a sawi. Indona chu a tawp ta a, tunah erawh retheihna do a lo tul ta zawk a ni tih Nazir chuan UK paper a hrilh bawk a ni.

Afghan ramah Taliban firfiakten thuneihna an chan hnu hian, United Nations hnuaia World Food Pragramme chhut danin Afghan ram mipui hmun 4 a thena hmun 3 chu riltamin an thi anga, naupang 2 million zet chuan chaw tha kham khawp an hmu dawn lo niin an tarlang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!