‘A Thihni A Hnai Tawh’ Tia A Lo Sawi Tawh Angin, Iron Mike Tyson Wheelchair Nen Hmuh A Ni
A Thihni a hnai ta tia a lo sawi tawh ang ngeiin, a vanglaia infiamna khawvela mi ropui ‘Iron Mike Tyson’ chu Wheelchair nen hmuh a ni a, hei hian a fans te a tilungngaiin an ngaihtuahna a tibuai hle!
Hmanni lawk khan boxing legend Mike Tyson chuan, a thihni a hnaih tawh thu leh he khawvelah hian hun rei a cham tawh dawn loh thu a lo sawi tawh a, a thusawi leh a tawngkam chhuak hian amah ngainaa ngaisangtute thinlung a deng na hle a ni.
A sawi ang ngeiin Mike hian kawng lam thatlohna sciatica benvawn hun rei tak a lo tuar tawh a, August 16, 2022 khan Miami International Airport-ah Wheelchair nen an nawrkal lai chu a fans te hmuhah social media kaltlangin a pholang a ni.
Kum 2 liam ta khan chawlhkar 2 chhung teh meuh kawngnâ avangin khumbetin a lo mu leh tawh a, tunthla tir lam khan New York khawpuiah tiang hawlin a kal lai hmuh a ni leh tawh bawk. A hriselna chu thlahniam hret hretin Wheelchair nawrkal ngai khawpin hun a hmang zui ve ta a ni.
Amah Tyson hnimhnai rengtu anga insawi chuan, boxing legend taksa dinhmun chu thil serious tak a ni lo niin a sawi a, infiammi tan chuan Mike tawn ang tawng an tam thu a sawi a ni. Mahse, thla liam ta maia a hriselna a that loh thu leh rei a dam dawn lo nia a sawilan hnu kha chuan Mike hi a dinhmun a derthawng ta viau a tih theih awm e.
