Your Daily News

A Thiantha Ber In A Fanu Kum 8 Mi A Pawngsual Avangin Hreh Tak chungin A That!

0 1,517

A Thiantha Ber In A Fanu Kum 8 Mi A Pawngsual Avangin Hreh Tak chungin A That!

September 2 Ningani liam ta khan Russia, Samara, Vintai thingtlang khuaah tualthahna a thleng tih hriat niin he tualthahnaah hian kum 34 a upa Vyacheslav M chu police ten an man tih hriat a ni.

Tualchhung mite sawidanin, Vyacheslav kum 34 a upa chuan a thian tha tak mai Oleg Sviridov chu a thah hnuah a ruang chu Vintai thingtlang khua ramhnuaiah a hnutchhiah zui ta ani. Thuneituten he tualthahna thleng hi an chhuizui nghala, Vyacheslav fanu kum 8 mi chu Oleg chuan a lo pawngsual tih hriat a nia, Vyacheslav thinrim chuan pawngsualtu Oleg chu a thian tha tak nimahse, hreh tak chungin a that zui ta a ni.

Report-na atanga a landanin, thiandun 2 Vyacheslav leh Oleg te hian an hnathawh zawh hnuah zu an in dun a, a hnu deuhah chuan an 2 hian an muthlu zui tih an sawi. Vyacheslav chu a tho hmasaa, a thianpa Oleg phone a zuk bih meuh chuan a fanu kum 8 mi chu mipathmeichhiatna hmanpui turin a thianpain a nawrluih lai video chu a hmu ta hlauh mai a ni.

Tianga a thiantha ber in a fanu kum 8 mi a khawihchhiat lai a mit ngeia a hmuh tak avang chuan Vyacheslav chu a thirim hle a, tha thawhin a thianpa chu a bei zui ta a ni. Pawngsualtu a puh Oleg ruang chu ramhnuaiah hmuh a nia, Vyacheslav pawh bibo ve nghalin a hnuah Police kutah a inpe leh ta a ni.

He tualthahna thlengah hian, tualchhung mi thenkhatte chu Vyacheslav lamah an tang thunga, Vyacheslav chu tualthattu niloin a fanu kum 8 mi a humhimtu a ni zawk a ni tiin an ngaihdan an tarlang ve bawk. He tualthahnaa thil awmdan kimchang zawk chu hriat tumin chhui chian mek a nih thu thuneitute chuan an sawi ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!