Your Daily News

A tawngkam Khat Avangin Khawvel Lemchanthiam Hmingthang Jackie Chan Chu Amah Ngaisangtuten An Hawisanzai An Rel!

0 2,121

A tawngkam Khat Avangin Khawvel Lemchanthiam Hmingthang Jackie Chan Chu Amah Ngaisangtuten An Hawisanzai An Rel!

Khawchhak lam chhulchhuak lemchanthiam hmingthang leh Hollywood khawvel ah pawh hming dai tawh ngai lo tur Jackie Chan chu hmanni lawka Chinese Pommunist Party kum 100 tlin lawmna hunah sawm a nih angin a tel ve tih hriat a ni.

Xi Xinping kaihhruai CCP chuan an party kum 100 tlin lawmna chu july 1 khan ropui takin an lawm a ni. He hunah hian president Xi Xinping chuan ram mipui tana a thilthat leh ram hmasawnna hna an thawhdan chu uar takin khawvel hriat ah a puang chhuak a ni.

CCP kum 100 tlin lawmna hun zo fel a, hmanni lawk khan Hollywood star ropui Jackie Chan chuan president Xi Xinping kaihhruai Chinese Communist Party hnathawh leh ram tana an thil tih chu tha a tih thu leh, an fakawm thu a sawia chiam a, he a tawngkam chhuak avang hian ngei a hlawh nghala amah ngei pawh CCP ah luh a duh tih a sawilang bawk.

Mahse, hetih lai hian khawvel ram zawng zawng chawkbuaitua puh Xi party kaihhruai CCP a fak chiam chu amah ngaisangtu (Fans) te zingah ngai thei lo an tam hle a, a lemchanna Film thlengin en duhlo an tam phah hle bawk a ni. A tawngkam chhuak avang hian social media lamah sawisel a hlawh nghala, lemchan khawvel atanga Boycott duh mi nuai 5 chuang dawrh an awm nghal tih hriat a ni bawk.

Tun dinhmunah Jackie Chan chuan a ni telin fans a chan meka, internet khawvelah amah doa ngaineptu an pung thur thur a ni ber. Chanchinbu thenkhatin an tarlan danin Jackie Chan hian CCP chu thlawp duh hle mahse CCP hruaitute chuan an zinga tel ve turin an it lem lo tih an tarlang thung a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!