Your Daily News

A Ruk A Rala A Pasal Messages A Chhiar avangin Court In Rs 1.64 Lakhs A chawitir Bakah Tang Turin Hremna A Pe!

0 778

A Ruk A Rala A Pasal Messages A Chhiar avangin Court In Rs 1.64 Lakhs A chawitir Bakah Tang Turin Hremna A Pe!

I pasal mobile phone message a rukin i chhiarsak thin em le? Pasalte message chhiar leh bihru thin tan United Arab Emirates ah chuan hmun a awm hauh lo thung! Mahni pasalte message chhiar ru thinte chu hriatchhuah an nih chuan buaina namen loin a hmuak zui thin a ni.

UAE, Ras Al Khaimah civil court chuan nu pakhat a pasal text message a ruka chhiarsaktu chu jail tang tura hremna a pek bakah a pasal mimal thil leh a zalenna a bawhchhiatsak avangin zangnadawmna AED 8,100 (India pawisain Rs 1.64 Lakhs) chawi turin thu a tichhuak zui bawk.

Khaleej Times in a tarlan danin, nu pakhat chuan a pasal leh a nupui pakhatna an inbiakna thu leh hla chu a fanu hmuhah a pholanga, he a khawsakdan avang hian court chuan a chungah hremna a lekkawh zui ta a ni

A nupui 2 na chu a pasal email a ruka a bih avang leh midang hmuhah message a thehdarh avangin, a nupui pakhatna nen an inkarah buaina a chhuak zuia, a tawpah an inthen phah ta a ni. tianga harsatna a tawh tak avang hian chhungkaw pa ber chuan a nupui 2 na hnenah zangnadawmna sum a phut zui tih an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!