Your Daily News

A Nihna Dik Tak An Hriatchian Hnuah Indian Photojournalist Siddiqui Chu Taliban Firfiakten An That

0 1,828

Indian photojournalist Danish Siddiqui chu Pulitzer Prize a dawn atanga ni reivaklo hnuah Afghanistan ah July 16 khan thah a nia, he a thihna chanchin thu dengkhawng tak hian khawvel pum huap social media lamah thawm a nei lian hle!

US-based Magazine pakhatin Ningani liam taa a tarlan danin, Indian photojournalist Siddiqui chu Aghanistan a inkahna chhuak ah a thi satliah lo tih tarlangin, Taliban firfiakten a nihna an hriatchian hnuah rawng takin an that tih a sawi a ni. Washington Erxaminer report in a tarlan danin, Siddiqui chu Afghan national Army-te rualin Afghan forces-te leh Taliban inbeihna hmun Spin Boldak region-ah thla la turin a kal chhuak a, kalkawng thui vaklo an zawh hnuah Taliban mifirfiakten man in an khawihbuai ta a ni a ti.

Photojournalist Siddiqui chu Taliban-ten an sawisa zuia, a luah silai hmawrten an chhut zui bakah rawng takin an ku an thlak ta a ni. A hnuah Mosgue ah first aid dawng tura an kal laiin a team-te nen an man a, a chanchin kimchang an hriatchhuah hnuah an that zui tih hriat a ni. Siddiqui thihna chungchangah hian Writer Michael Rubin, American Enterprise Institute a mi chuan finfiahna a hmuh atangin Sidiqui chu a lu ah leh taksa hmundangah silaia kahhlum a nih thu a sawilang bawk.

Indian photojournalist Siddiqui hian 2018 kumah Rohingya harsatna tawh chungchang an cover na avangin Pulitzer Prize a lo dawng tawh a, Hong Kong leh Asia bakah Middle East leh Europe khawmualpui lamahte sulhnu a lo ngah tawh hle bawk a ni. July 18 khan a ruang hian Delhi Airport a lo thlenga, an chenna in Jamia Nagar ah amah uitu leh hmangaihtu mi thahnem tak an pungkhawm a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!