A Khup Hliam Avanga Kham Lo Tak Chunga Football Chawlhsan Tura An Nawrluih Tak Ex-Sheffield Footballer Chuan Lottery Jackpot £1,000,000 A Man Hlauh!
A Khup Hliam Avanga Kham Lo Tak Chunga Football Chawlhsan Tura An Nawrluih Tak Ex-Sheffield Footballer Chuan Lottery Jackpot £1,000,000 A Man Hlauh!
Ex-Sheffield United footballer Terry Kennedy kum 28 a upa chu a inkhelh laiin a khup a inhliam palh hlauh mai a, kum naupang tak ni siin Football chawlhsan mai tura nawrhluih a ni zui ta a ni. Vanneihthlak takin football a chawlhsan hnuah £1million zet Lottery jackpot a man tih an sawi.
South Yorkshire, Barnsley lam chhuah Terry Kennedy kum 28 a upa hi Sheffield United leh Harrogate Town Club-ah te a lo khel tawh thin a, a inhliam hma leh football a chawlhsan hma 2016 kumah Manchester United player Harry Maquire nen pawh team mate an lo ni tawh nghe nghe a ni.
A khup hliam avanga a vanglai hun pawh hmang zo ve hman ta lo Terry Kennedy chu Thawhtanni liam ta khan £1,000,000 zet a tam Lottery sum a man tih an hrilh a, chanchin lawmawm em em mai a hriat meuh chuan a lawm ngawih ngawih a, he chanchin lawmawm a dawn lai a hmel awmdan leh a chevel lanna video chu social media lamah thehdarh a nih hnuin mite hmuh theihin a darh zui ta a ni.
Twitter kaltlanga video an post pakhatah chuan ex-Sheffield United player hlui Terry Kennedy kum 28 mi chu a sum manna lottery ticket kengin, hlim takin a nui var var a, a vanneihna chan hian a hringnun pumpui chu a thlak thlengsak ngeiin a rinawm!
Kennedy hian Sheffield a chamchhungin vawi 24 a khel hman tawk a, kum 15 chhung Sheffield united tan a inserhhran hnuah a hliam tawrhna avangin Football hmanga infiamna khawvel chu a chawlhsan ta a ni. Sheffield a awm chhung hian Kennedy chu a fans ten ‘The ginger John Terry’ tiin an ko thin a ni
.
