Your Daily News

A Fanu Naupangtê A Tah Avanga Hremna A Pekdan Chuan Rinphak Bakin Thihna A Thlen Der!

0 1,115

Russia ramah nu pakhat kum 23 a upa chuan a fanu tap hremna atan inchhawng 6-na bathlarah a khaia, vanduaithlak takin 60ft zet a sang bathlar atang chuan a thlauh palh hlauh maia, a fanu naupangtê chu a thi nghal tih report chuan a tarlang.

Anna Ruzankina kum 23 a upa chuan a fanu Anastasia kum 3 mi chu a tah avangin hremna atan bathlarah a kawr chelhin a khai uai vel a, a fanu kawr chu thler zuiin inchhawng sang zet 60ft atangin leilamah a tlathlaa a hmunah a thi nghal tih an sawi. Anna Ruzankina pawh Police-ten manin tualthah thubuai siamsak a ni tih an sawi.

A tlaklai sulhnu atanga a landanin, Ansatasia chuan, “A nu ka hlau, a nu ka hlau, a nu ka hlau tak zet a ni” tiin a au chiam tih hriat a ni bawk. CCTV atanga a landanin Anna Ruzankina chuan a fanu ruang chu a chhar a, an chenna in Russia, Saratov inchhawng chung ah a chhoh pui leh tih Lifes News chuan a tarlang a ni.

Russian Law enforcement lam chuan mahni fanu inchhawng rukna atanga paihthlatu Anna Ruzankina chu manin tualthah thubuai an siamsak zui ta a ni. Police-ten an chhuichianna atanga a landanin he thil hi Anna rui tak chunga Night Club atanga in lama a lo haw hnua thleng a nih thu an sawi a ni.

Anna chuan a fanu thi ta chu amahin bathlar atanga tlathla a nih thu thenawm khawvengte hnenah a sawia mahse, a tlak lai tak mita lo hmutu an lo awm bawk avangin dawtin a tang ngam ta lo a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!