Your Daily News

Kanye West’an ‘Coronavirus Vaccine In Mi Vanram Kaina A Dal Ang Ti

0 309

Superstar rapper Kanye West chuan Coronavirus vaccine in vanram kaina a dal ang a ti. A sawi danin ‘Coronavirus Vaccine’ chu Sakawlh chhinchhiahna’ a ni tih a tarlang.

Hmanni lawka Billionaire dinhmun rawn luah chho ta Kim Kardashian pasal hian kumin February thlatir lama Coronavirus hrikin a luhchilh lai khan a mutna khumah a khur nasa tih a sawia tiang khawpa virus in a lo nuai hrep tawh hnuah pawhin Rapper lar kum (42) mi hian Coronavirus chungchangah a rilru a thlak duh hauh chuang lo a ni.

Kanye West chuan natna hrik hlauhawm Covid-19 laka him tuma hmalakna reng reng chu ‘Sakawlh leh a chhinchhiahna’ ah a ngai tlat bawk tih a sawi.

Fa 4 nei tawh Kanye chuan Forbes a hrilhdanin, “Kan fate pawh vawi tam fe vaccine in kan chiu thina hei vang hian an zenga che thei lo in kan siam a ni. Covid-19 chu vaccine hmangin tihdam kan tum sia kei chuan ka hlauthawng tak zet. Hei hi ‘Sakawlh chhinchhiahna a ni” tiin a sawi.

A sawi zawm zelnaah pawh kan taksa chhung khawi laiah emaw Chips dah luh an duha, heta tang hian engkim tih an duha hei ngei hi a ni vanram kawtthler kan luh theihlohna tur chu ni a tiin a sawi.

Kanye chuan rinloh deuhin July 4,2020 khan US president a chuh tur thu a puang ta thut maia mite a barakhaih hle anih kha. Zaithiamte zingah ro ro chuan boruak a ngahin mite ngaihven pawh a hlawh hle a ni.

President chuh a tum thu a puan veleh pahausa tak Tesla company neitu Elon Musk chuan a thlawp tur thu a puang zui ve nghal bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!