Your Daily News

Iran In Mi Tângte Kutzungṭang Tansaka An Chunga Hremna A Lekkhawhdan Chu World Medical Association In A Dem

0 234

West Azerbaijan province, Urumieh ah hmanni mai khan rukru misual 4 man an ni.

Heng misualte hi tân inah khung an nia, an chungthu chu Iran’s Islamic Penal Code hnuaiah ngaihtuah niin an 4 hian hremna chikhat atan an dinglam kutzung tangte chu tansak vek an ni.

He hremna rapthlak tak leh mihring taksa tichhe zawng leh rawng taka Iran sawrkar chetdan chu World Medical Association (WMA) chuan a dem tak zet tih thuchhuah siamin a tarlang.

Iran’s Islamic Penal Code hnuaiah heng ang hremna kalpui tur hian doctor-te an inrawlh a tula, hei vang tak hian World Medical Association (WMA) chuan an pawl thil tum chu Iran sawrkar hian a kalh tih an tarlang bawk.

Dr. Miguel Jorge, President of WMA chuan he hremna ah hian an thawhpui doctorte chu inhnamhnawih lo ngam tur leh harsatna an tawk a nih chuan a theih ang anga hmalakpui an tiam tih a sawi a ni. Mihring taksa tichhiatsak leh an dikna rahbehsak chu WMA chuan a duhloh ber thil a ni a ti bawk.

Hei bakah hian mihring taksa lakhransakna chu International Human Rights Dan bawhchhiatna a nia, heng ang inhremnaa physician-te chhawr emaw leh thil diklo ti tura nawrluih chu an pawl in an do tlat a ti a ni.

WMA President Dr. Miguel Jorge chuan Iran thuneitute hnenah lehkha ziaka thawnin he thil rapthlak tak hi ti tawh lo tur leh rang taka tih tawp a nih theih nan hma la nghal tur a hriattir tih a tarlang bawk.

World Medical Association hnuaiah hian physicians 10 million zet an awm meka, hriselna kawngah leh mihringte dikna chanvo humhalh bakah mi zawng zawng tan damna tih chu an thupui ber leh an din chhan a ni tih hotu liante pawhin an tarlang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!