Your Daily News

Iragi Thlanmual Atangin COVID-19 Mithi Ruang Thahnem Tak Phawrh Chhuah Leh An Ni

0 625

Irag ah COVID-19 dona kawnga inrelbawlna dan thlahdul a nih hnuin COVID-19 avanga thi an chhungte ruang thlan mual atanga lachhuak leh tur leh chhungkaw thlan hmuna phum tha leh turin mi thahnem tak an kalkhawm tih hriat a ni.

A hmain COVID-19 avanga thite ruang chu natna a darh hlauhna avangin chhung leh khatte thlanpuiah phum phalsak an ni lova, COVID-19 mithi ruang phumna tur bika ruat bik thlanmualah zalh an ni. Mahse, he khapna dan hi sawrkarin a hlih tak avangin mi tam takin an chhungte COVID-19 avanga hmundanga zalhte chu an mahni chhungkaw thlanah phum tha leh turin an la chhuak leh ta tih an sawi.

Irag rama COVID-19 natna avanga thite hi Najaf khawpui pawn, thlaler hmun pakhatah phum an nia heng mithite hi metres 5 zelah inhlatin fimkhur takin volunteers-ten invenna famkim men an phum a ni.

Irag ram thuneitute chuan September 7, 2020 khan chhung leh khatte ruang la chhuaka mahni duhna hmuna phum leh theih a nih thu an puan hnuin suahdur nen thawk chhuakin mahni chhung leh khat, Coronavirus avanga thi phum tawhte chu an phawrchhuak leh a ni.

Mohammed al-Bahadi chuan kut lawng ngatin a pa ruang chu a laichhuak leh a ni. “Tunah chuan kan chhungkaw thlan hmunah ngei, a mite hnenah a awm leh thei tawh ang” tiin a sawi lang nghe nghe.

Heng mithite hi Coronavirus hri hlauhna avang leh an chiaina avangin sakhaw tihdan mumal taka vui loh an tam hle a, tianga chhungte ruang lakchhuah phalsak an ni leh ta chu an lawm hle tih an tarlang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!