Your Daily News

Football Khawvela Miropui Diego Maradona Thihnaah Thudik Hriat Chhuak A Ni Ta!

0 1,747

Football khawvela mi ropui Diego Maradona chu November 2020 khan lungphuchawl in a thia, a thihna avang hian Argentina ram pum bakah khawvela football ngainatute chuan a sun na hle a ni.

Kum 60 a tlinna tura thla 1 awrh la hmabak Maradona chu a thluakah thisen tling a awm avangin surgery tihsak a nia, ni reivak lo hnuah a boral zui ta a ni.

Footballer ropui thihna hian sawi a hlawhin thil chik mi leh mithiam rualte chuan enkawlna tha a dawng tawk lo nia ngaiin a mamawh tawk leh a dinhmun a zira enkawl a nilo niin sawi neuh neuh a tam nghal em em mai a ni.

A thihnaah hian a Lawyer bakah a chhungte ngei pawh an lungawi thei ngang lova investigation kalpui nghal a nia, Maradona enkawltu Nurse Dahiana Gisele tiamin thu zawhfiah atan mi 7 Police-ten man an ni.

Madrid Lawyer Rodolfo Baque sawidanin, amah enkawltu doctor in a ngaihthah avangin a that a ni tiin a sawilang hlawl mai a ni. He thu hi June 16 khan reporters-te hmaah sawiin, “Diego chu an that a ni” tiin a sawi.

Barcelona, Napoli, leh Boca Superstar Junior ni bawk Maradona hian thin, lung leh kal lam thatlohna a nei tih hriat a ni bawk a. Thla liam ta khan medical expert panel 20 rual chuan Argentina public prosecutor kaihhruaina hnuaiah thil thlen dan an um zui nghal a, Maradona-a’n enkawlna a dawn chu a beithamin a mumal lo nasa tih tarlangin, a medical team-te chuan an a damkhawchhuah theihna hun tha chu a vanduainaah an chhuah ta zawk a ni tiin thuchhuah an siam zui bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!