Your Daily News

Donald Trump Leh UFC President Dana White-te Ngenna Hnawlin Iran In Wrestler Kum 27 Mi A Khaihhlum

0 311

Iran chuan wrestler la naupang tak leh hmalam hun khaweng nei tha tak mai kum 27 mi chu an khaihhlum tih a tarlang. He wrestler chhuah zalen tur hian khawvel hmun hrang hrang atangin leh social media kaltlang pawhin awka a tam hle a, UFC President Dana White leh President Donald Trump-te ngei pawhin wrestler chungah zahngaihna lantira chhuah zalen turin Iran sawrkara thuneitute chu an lo ngen tawh bawk a ni.

Iran sawrkar thuneitute sawidanin wrestler Navid Afkari kum 27 hian 2018 kuma sawrkar duhlohna kawng zawh neih tumin public sector worker pakhat a thah a ni tih an sawia, he worker thihnaah hian Afkari chu mawhphurtuber a ni tih an tarlang ve bawk.

Wrestler kum 27 a upa hi September 12, 2020 Inrinni tuk khan Southern City, Shiraz-ah tihhlum a nih thu Provincial prosecutor General Kazem Mousavi chuan state telivision kaltlangin a sawichhuak a ni.

Judiciary lam thuchhuakin a tarlan danin Navid Afkari kum 27 a upa chuan August 2, 2018 kum khan Hossein Torkman, water department worker chu chemtein a vihhlum niin an sawia, he a thil tih avang hian thiamloh chantir a ni zui ta a ni tih a tarlang.

Kar hmasa khan Trump’an Iran sawrkarin an wrestler Navid Afkari kum 27 mi an khaihhlum dawn tih a hriatin Twitter kaltlangin thuneitute chu wrestler chungah hian zahngaihna lantira that lo tur in a lo ngen tawh bawk a ni.

“Iran hruaitute u, He tlangval hi a nunna laksak lova in chhuah zalen theih chuan ka lawm ngawt ang” tiin thu a thawn bawk. Trump bakah hian UFC President Dana White pawhin Iran sawrkar ah Afkari nunna zuah turin nawrna awka a lo chhuah tawh bawk a ni.

State TV lamin an sawi danin Afkari leh water department worker-te hian an mahni mimalah buaina hranpa an nei niin an sawi ve bawka chhan tha tak engmah sawi lang loin motorbike hnungah a hnunglam atangin Afkari hian Chemte in a vithlum tih an sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!