Your Daily News

Cristiano Ronaldo-a’n Coca-Cola A Hnawl Hnuah Company Hlutna Sum $4Billion Hu Zet A Tam A Thaibosak

0 1,977

Portuguese football legend chuan Thawhtan nia media hmaa Press Conference a hmachhawn tumin fizzy drink Coca-Cola company tan vanduaina a thlen leh pek!

Juventus forward Cristiano Ronaldo chuan a thutna hma desk chunga Coca-Cola Bottles 2 chu a sir lamah a nawr phei a, khawvel mite hmaah tuithianghlim in turin a chah ngat a ni. A chetdan hian Coca-Cola company share price chu $56.10 – $55.22 zetin in a titlahniam nghal der a ni.

Coke company lam chuan CR7 chetdan chu thuchhuah siamin an chhang let ve nghala, “Mitinten mahni duhzawng in tur duhthlan theihna an nei a ni, mitinten tui tih zawng leh mamawh zawng kan nei theuh angin” tiin. Spokesperson sawidanin, Press Conference tel Players-te chu tuithianghlim in tur pek an nih bakah Coca-Cola bottles chhawpsak an nih thu sawiin, he drink hi sugar tello a ni nghe nghe a ti.

Kum 36 a upa Cristiano Ronaldo hian a ei leh in chungchangah a duh uluk hle a, sugar telna ei leh in lam chu a pumpelh thin bakah ni 1 ah vawi 6 hunbi neiin chaw a ei thin bawk a ni.

Real Madrid a awm lai pawh khan Club doctor chuan Cristiano Ronaldo taksa chu Players dangte aiin kum 10 laia naupang ang mai a ni tih sawiin, kum 40 thleng fit takin Football a khelh theih a rin thu a lo sawi lang tawh a ni.i.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!