Coronavirus chuan nunna nei tawh phawt chu zuah a tum hauh a ang ta hle. US, California, San Diago Safari Park ah zawng lian chi Gorilla-te chuan COVID-19 hrik an kai tih hriat a ni.
He thu hi New York Times chuan tarlangin, sahuan a zawng lian chi 8 zinga 2 te chu an khuh vak avangin test paltlang tir an nia, Coronavirus hrik an kai ngei tih finfiah a ni. Executive director Lisa Peterson chuan an vai hian natna an kai tawh a rinthu a sawi lang bawk.
He sahuan hi December 6, 2020 ah khan khar a lo ni tawh a, hetih lai hian California chu Lockdown puan a ni bawk.
Thuneitute sawidanin heng Gorilla te hian Sahuan enkawltute hnen atangin natna hrik an kai an rinthu an sawi a, a hnuah sahuana hnathawk pakhat chu COVID-19 a positive tih hmuhchhuah a ni.
Safety measures kalpui reng chung siin engtin nge zawngte hian natna hrik an kai mai theih tih chu an la hrechiang thei bik lo a ni.
