Your Daily News

China Rama Hnathawk A Awm Hmeichhe Phir Unau Chin Hriat Lohin An Bo

0 3,420

Tamu myo, City market (10) venga khawsa Pu Abraham fanu phir unau Mawizuali leh Mawiberi te chu 2018 khan China ramah hnathawka inhlawh turin an lut tih hriat a ni.

2019, May thla khan tan inah Ni 14 chhung khung an nia heta tang hian an chanchin leh thil awmdan engmah an hre thei ta lo a ni.

“Ka fate chanchin ka hriat lohna a rei tawh hle a, an dam nge an thi tawh tih pawh chanchin engmah chanchin kan hre thei tawh lo a ni” tiin Abraham chuan a sawi. Pu Abraham hian Burma sawrkar hnenah puihna dilin 2020, April thla khan China ram thuneituten Myanmar lamah an thawn tawh thu an sawia mahse, tunthleng hian an fate hmel an la hmuh theih mai loh avangin an rilru a mang ang hle tih a sawi bawk.

Phir unaute hi 2018 kum khan dan ang thlapin leh kalphung pangaiin China ah hian inhlawh turin an lut tih a pa chuan a sawi.

2019 May 25 khan China ram Jingsau khuaah an awm a, Zhangjiagang Police station ah ni 14 chhung tantir an ni ang tih thawm an chhungten an hriat hnu chuan tunthleng hian engmah chanchin an hre tawh lo a ni. A pa sawi danin a fate hi China an thlen atanga thla 4 chhung chu hna pawh pangai takin an thawk tih a sawi bawk.

Hemi hnu hian naupangte lehkha an zirtir thina 2019, May thla khan police te phalna angin phone atanga an inbiak thute a sawia, heta tang hian chanchin engmah hriat tur a awm tawh lova an inbiak lohna pawh kum 1 a tling tep tawh tih pa ber Abrahama chuan a sawi.

Pu Abrahama chuan a fate chungchangah a manganna leh tanpui a tul thu Myanmar sawrkar thuneitute hnenah hrilhin puihna a dil tih a sawia hemi hnu hian Myanmar lamah thawn an ni tih a sawi a ni.

Mahse, tunthleng hian hemite unau hi an chhungte hnenah an la thleng lo tih hriat a nia, an bo hlen ta a ang hle tih hriat a ni bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!