Your Daily News

A Ruang An Vuiliam Atanga Kar 2 Liam Hnuah COVID-19 Damlo Nu Pakhat Chu An Inah Haw Lehin A Chhungten Mak An Ti Hle

0 2,019

India ram chu COVID natnain nasa takin a nuaia, chhungkaw tam takah thihna a thleng mek a ni. Hetih lai hian nu pakhat COVID-19 avanga thi ta chu a ruang an vuiliam atanga kar 2 hnuah an chenna inah a haw leh tih hriat niin, a chhungten mak an tiin sawi ngaihna pawh an hre lo.

Nu pakhat Muktyala Girijammas tia koh chu May 15 khan damdawi in thuneituten COVID vangin a thi tih a chhungte an hrilh a, social distancing ngaih pawimawh a tul avang leh natna laka fimkhur a ngaih bawk avangin saranga a ruang tuam bak a hmel pawh an hmu thei chuang lo a ni.

Muktyala vahpa kum 60 mi Nagu sawidanin, Muktyala chu Vijayawada Government General damdawi inah a awm laiin kan an tum thu a sawi a, damdawi in an thlen chuan Muktyala chu a thi tawh a ni tih damdawi ina thawkten an lo hrilh nghe nghe.

Ruang dahlawkna hmunah kalin Muktyala ruang chu an zawng nghal a, ruang buaipuitute chuan hmeichhe dang thi ruang an lo pe ta a ni. A ruang chu saranga pack a nih avangin a hmel an hmu mai si lova, in lamah hawpuiin amah thlahna an nei zuia ui tak chungin ruang halna hmunah an dah leh ta a ni.

Mak tak maiin June 2 khan COVID vanga damlo Muktyala chu an khua Christianpet, Jaggaiapet Mandal, Krishna District-ah dam takin a kir leh tih an sawia, damdawi ina thawkte chuan a hawna senso a hman tur Rs.3000 an pe tih an sawi.

Muktyala chuan in a thlen ve leh tumah amah ngaihvenin an kal lo tih a sawia, a thusawi chuan a chhungte pawh a barakhaih hle tih an sawi. Nagu chuan tu ruang ber nge an vuiliam tak tih chu an hre mai bik lo a ti a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!