Your Daily News

Model Lar Chuan Amah Leh Amah A Inneih Hnuah Hmangaih Dang Tawngin Ni 90 Hnuah Amah Chu A Then Leh!

0 886

Model Cris Galera kum 33 mi chuan September thla liam ta khan mite hriatah amah leh amah a inneih thu puang chhuakin, hun rei erawh a innei hlawhtling ta lo a nih hmel! Ni 90 a liam meuh chuan amah bawk chu a then leh ta ani.

Mi tam tak chuan nupui pasal an neih hnuah, an mahni milpui nupui/pasal an tawng fuh lo nia an inngaih chuan inthen mai duhna thinlung an pu nghal thuai a, an kawppuite chu inthen turin rawtna an thlen thin a ni. Mahse, model Cris Galera erawh amah leh amah chu hmangaihber tawngah inngaiin a innei a, a hnuah inthen turin thutlukna a siam fel ve leh ta a ni.

Cris Galera sawidanin, mipa te chu a ning hluah hluah tih sawiin, amah leh amah chu mipa pasal neih aiah a innei ta zawk a ni.

A hnuah model kum 33 a upa chuan mahni leh mahni han inneih ngawt mai chu a khawharthlak ang reng tih tarlangin, mahni chauha chhungkaw din tum chu tifuh tawk loah inngaiin amah a neih atanga ni 90 liam hnuah inthen leh mai chu tha a tih thu a sawilang bawk.

A sawi zel danin, model Cris Galera chuan amah nilo hmangaih dang a tawn thu a sawi a, hmathar thlirin hun a hmang mek tih a sawi a ni.

Cris chuan September thla liam ta khan Brazil, Sao Paulo khawpui, Catholic Biak inah pangpar bawr kengin amah leh amah a inneia, tianga mahni pasala a neih lai thlalak chu social media lamah a tarlang tawh nghe nghe a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!