Your Daily News

Mobile App ah chhiar theih in a awm e

Mahni inrintawkna siam dan

0 50

Khawvela mi hlawhtlingte hi a tlangpuiin mahni inring tawkte an ni thin. Mahni leh mahni pawh inring zo lo chuan engkimah a zam sa a, thil a tih pawhin hlau chungin a thawk thin. Mahni inrintawkna neite hi an pianpui a ni kher lova, an zira, an tuma an nei mai a ni. Mahni inrintawkna nei thei turin hengte hi lo ti ve chhin rawh le.

1) Fak i dawl tur a ni: Fak dawl lo tam tak an awm, a then chuan an chapo puia, a then chu an lai thin. Min fak a, ka diklohna a sawi angem?tiin an zam thei bawk. Miin an fak che chuan hlim sangin ka lawm e aw tih mai la,eng emaw beisei vanga min tlawn a ni thei em tih pawh ngaihtuah suh, i phu a, i tihthat vanga chawimawina a ni mai.

2) Mi famkim nih tum suh: Ni khata thiante vawi 20 call, ni khata meeting vawi 10 nei, email chhang tura phili chung kan tihte hi a tawpah chuan an beidawng leh thin.Mahni tlin loh tur tarket siam hi mahni leh mahni phurrit insiam mai an ni bawk. Tuna mi hlawhtlingte hi vawi tam tak lo hlawhchham thin an ni tih hria la, i tih sual pawhin zir nan hmang la, beizel ang che.

3) An mit enkarin mi be rawh: Mit hi rilru kawngka a nih avangin an mit atangin an rilru i hmu thei dawn a ni.Thil tisual leh dawt sawite hian miten thu an zawh pawhin an thil tihsual alan hlauvin an mit an khup thin.Thusawi laia mite mit en ngam lo chuan a inring tawk lo tihna a ni. Chuvangin an mit en la thu sawi chat chat rawh.

4) I ring ti ngil rawh: Kawnga i kalin i awm kha ti khawh deuh vah la mahni leh mahhi inring tawkin han kal chhin teh. Hetianga kawng kal hi mahni inringtawkte tih dan a ni thin. Lu kun leh ring kun deuhva kal aiin dak deuh vah chung khan han kal chin teh le, a hma aiin miten an hmuh dan che a dang daih dawn a ni.

5) Ngaihdan tha lo ban rawh: Kan lo ngaihtuah thinte a taka a rawn chan hunte a awm ve thin a,kan rilruah thil hi a tha lo zawng hlira kan ngaihtuah chuan inrintawkna a ti chhe thei a ni.Ka ti dik lovang, ka ti thei lovang, ka tlin ka ring lo tih ngaihdan tha lo bansan la, ka ti thei ve, ka ti dik dawn, ka tlin ve chiang tila ti mai rawh, i inring tawlh tawlh mai ang.

source’akhayar.com’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com